Etxe bila?

brankaUdaberria margotzeko eskatu diegu LHko ikaskide batzuri…  Naturari lotzen diogun kolorea, bizitzaren ernetzeari nahitaez lotua, berdea da. Apurka, gure inguruetako zuhaitz eta zuhaixkak berdetzen hasiko zaizkigu, eta haietan txori txikiak eroso egon daitezen, Izadian azken hilabetean habia batzuk egin ditugu, handik eta hemendik eskuratutako egur pusketak berrerabiliz. Horregatik da etxe bakoitza diseinu bakarrekoa, ezberdina.

habiak jartzen 1Gaurko egunez, eguerdi partean, zalaparta polita sortu da haiek arboletan jarri ditugunean. Gu pozik gaude, baina, orain, gure txoriei gustatuko ote zaizkien jakin behar… habiak jartzen 2

Advertisements

Martxoak azkena du gaur

IñurritzaUdaberrian sartu berritan, bart ordubete lo gutxiago eginda, martxoak zeresan ugari utzi digu aurten… Martxoaren 22an Uraren nazioarteko eguna ospatu zen, baina hilabete honetan ura bestelako protagonista izan dugu Zarautzen, Inurritzako dunak desegin baitizkigu. Argazkian lehen zena nola gelditu zaigun ikus dezakezue.

Garai batean, Gipuzkoako itsasertzean duna ugari izan bazen ere, orain arte dexente ongi kontserbatzen ziren bi genituen, Zumaia eta Zarauzkoak; Orio eta Saturraranen izan zirenen seinalerik topa daiteke, eta Hondarribia, Donostia eta Debakoak erabat desagertarazi ditugu, itsasoari berea zena janaz. Eta itsasoa, haserre, berea dena eskatzera datorkigu tarteka, eta aurten, jo eta jo aritu da, kostaldean txikizio ugari eraginaz. Uda parterako malekoia konpontzen nahikoa lan… Urolakostako Hitzak grabatutakotako bideoa ikusgai ondoko argazkian klikatuz gero… Denboralearen biharamuna

 

Planetaren Ordua: 2014/03/29

planetaren ordua
Beti dira erakargarri, edonora goazela ere, gauaren iluntasunean argituta ageri diren eraikin dotoreak: zubiak, dorreak, ate eta pasabideak… Atzokoan, ordea, argazkiek horiek itzaliko ziren unea bilatzen zuten. 150 herrialdetik gora egin zuten bart WWFen deialdiarekin, eta iluntasuna ederra izan zen. Alboko irudian klikatuz gero, batzuk ikusi ahal izango dituzu.

Parte hartu bazenuen, ZORIONAK!! Planeta zaintzeko gogoz dabilen jendea behar dugu, urgentzia handiz.

Itzali argiak, eta Planeta piztu!

Ikastetxean gaurko gogoetak Planetaren Ordua du hizpide. Azken urteotako herri ekimen garrantzitsu bilakatu zaigu hau, eta pixkanaka, gero eta instituzio gehiago atxikitzen zaizkio; dagoeneko mundu mailako ekintza bilakatzea lortu du WWFek duela zortzi urte ahoz aho Sidneyn zabaltzen hasi zena.
WWF 60+

Zarauzko Udalak ere, bihar, 20:30 eta 21:30 bitartean herriko eraikin esanguratsuenak iluntasunean murgilduko ditu, gure Planeta zaintzea guztion lana dela sinisten duela aditzera emateko. Eta zuk? Ordubetez argiak itzaliko al dituzu? Internet itzaliko al duzu? Eman arnasa Planetari!

Lorategi esekiak (2)

Ikastetxean beti bada mantenu lanen bat… Eta hainbeste trasteren artean, pale batekin egin genuen topo. Guretzako gordetzeko aukerarik ba ote zen galdetu eta, baietz esan zigutenean, berehala pentsatu genion funtzio berria.
Zur pusketa batzuk batetik kendu eta bestean kokatuz, edukiontzi dotoreak antolatu genituen; ongi garbitu, barniz pixka batez babestu, eta hezetasunak gehiegi honda ez dezan ohiala jarri ostean, landare batzuk sartu genituen bertan.Lorategi esekiak 2

DBHko pasabidean jarri dugu lehena, baina bidean dira dagoeneko beste bizpahiru… Polita, ez?

Rosenbaum, diseinua eraldaketaren mesedetan

Mundu zabalean Esta casa es una ruinaren bertsio ugari egin izan da; Lar doce lar horietako bat da. Ama eta bi alabari etxea txukundu zieten Sao Paulon, eta diru-iturri eskaseko familia izaki, laguntza gisa, etxeko pasabide estua baratza bilakatzeko ideia bururatu zitzaion Rosenbaum diseinu taldeari. baratza botilatanIdeia erakargarria izan zen oso, eta zoriondu zuten orori eskerrak emateko, Rosenbaum taldeak bere blogean norberak antzeko baratza bat sortzeko urratsak zeintzu ziren azaldu zuen. Ideiak partekatzea polita da, ez? Irudian klikatu, eta hortxe duzue haien esker ona, aurreko sarreran agindu bezala.